Ŝercaro dektria


Kafo

Alanja: Kiam ajn mi trinkas kafon, mi ne povas dormi.
Viĉjo: Ĉe mi malas.
Alanja: Ĉu vere?
Viĉjo: Jes ja, kiam ajn mi dormas, mi ne povas trinki kafon!


Ekskuzo

Estas kaptita poŝŝtelisto:
— Ne provu kredigi al mi, ke vi prenis la monujon pensante, ke ĝi estas la via! — kriegas la detektivo. — Vi povis vidi, ke la monujo apartenas al iu alia!
— Mem la monujo jes. Sed la bankbiletoj ŝajnis tiel konataj!
- Imre Szabó, esperantoaustralia

Teknikaj Aferoj

Kruko: Via portebla komputilo ne startiĝas ĉar vi havas obstrukcitan funkciigo-klavon. Ĉiuokaze, kio okazis?
Baniko (rifuzante rigardi la alian en la okulojn): Jes, mi... aaa, pensas ke mi faligis ion sur ĝin.
Kruko: Kiel kio?!
Baniko: Aaaaa jes, nu, kiel mia pugno.
- Alano (Alan MENDELAWITZ), esperantoaustralia

Mi ne sciis...

Mi lastatempe aŭdis pri geedza paro, kiu hejme festis sian dekan datrevenon. Telefonis antaŭa kunulo de la edzo. Li vizitas la urbon. La paro ne povis ne inviti lin por vespermanĝo. La kunulo estis kruda. Ĉe la tablo li embarasis la edzinon per firakontoj. La finofara ofendo alvenis poste, kiam ili trinkis kafon antaŭ la kameno. Estis laŭta, longa sono. La virino fuĝis al la kuirejo. La edzo decidis, ke estas tempo protesti. 'Atentu! Vi furzis antaŭ mia edzino.' 'Pardonu!' estis la respondo. 'Mi ne sciis, ke estas ŝia vico.'
- La Septaga Murdenigmo, de Ronald Cecil GATES, paĝo 27

18 Septembro 2017 modifita, de Ailanto kompilita.