GLOSA -- PURI KOMUNIKA
Copyright by Ronald clark & Wendy Ashby, 1996
(Prepared for the Web by Paul O. Bartlett, 1996)
Ex kron a kron uno civi fu protesta; "Sed Glosa feno kopi un English modela; sura id debi difere?"
Panto Cina ami dice iso. Glosa funktio iso Cina lingua.
Un explica es; panto "natura" lingua es ple de no-nece lingui rude; qi pa gene kolekti dia loka histori de u demo.
Plu milenia retro plu Cina sofo-pe pa unio; e pa akorda; mu linqua pa tena multi no-nece lexi. Mu pa nima mu "plu vaku lexi." Mu imedia pa komanda apo plu-ci lexi; e id pa gene akti.
E komo boni-fortuna mu progeni ko seqe!
U mega Medika Bibli ge-translati ad-in Cinese es mega ma tenu de ur-English.
Si panto krati pa akti iso plu-la Ur-Cinese; panto mu sio habe nu u loka Glosa.
Glosa habe zero no-nece-ma. Id habe solo Puri komunika.
Panto na sufero u deino dina-doci imedia na gene nati. Matri e patri proto u procesi; e plu eduka-pe fini id.
Oligo civi fu posi protesta; "Sura, u-la semani; Glosa es no-stimula, u no-kroma lingua?" A qi na repli; u-la es veri; solo si tu ex Lexi-filo e Kosmo-fobo.
E u kausa de pan-ci no-nece-ma? A-nu plu lexiko e lingua generali pa es infra literari domina.
Nu-di plu krati eduka-pa kritici u mali grafo de plu infanti a fini de sko-do. U veri es; plu mini infanti es mega ma intelige de mu so-ge-nima doci-pe. gutura 'ch'. Na no-dura pronuncia u paleo mode. Sed, ge-liga a traditio, na dura grafo id! Na pa grafo de Society for Simplified Spelling in PGN 55 (pagina 3).
Boni-fortuna, Glosa pa gene nati ex enkefa do Prof. Hogben, u linguisti sed, plu, u skiencisti; e an pa vive fo-hedo in reali kosmo; qi es mega ma interese e kroma-ple de u literari lexi-munda.
An, u skiencisti, pa euri an poesi in reali kosmo. Uno-pe pa bali a mi Wordsworth poema "I wandered lonely as a cloud...."
Ja, mi akorda, kali! Sed u poeta vide solo u mikro mero de reali kosmo; u skiencisti pote fru infinita ma plu kali in u-la flori.
GLOSA ES U LINGUA DE SKIENCE. ID ES PURI KOMUNIKA.
from "PLU GLOSA NOTA" n. 75, Januari/Februari 1996 ISSN 0265-6892 Wendy Ashby and Ron Clark GLOSA P. O. Box 18 Richmond Surrey TW9 2AU England Glosa Education Organisation, Reg. charity 298237Go back to Main Menu; Learning Materials menu; or to the Next page